10 gode mål for 2015. #VerdensAidsdag #WAD #VAD

 

• Seksuell overføring av hiv halvert, også blant unge mennesker, menn som har sex med menn og overføring i forbindelse med sexarbeid;
• Vertikal overføring av HIV skal være eliminert og AIDS-relatert mødredødelighet halvert;
• Alle nye HIV-infeksjoner forhindret blant narkomane;
• Universell tilgang til antiretroviral behandling for mennesker som lever med HIV som er kvalifisert for behandling;
• TB dødsfall blant mennesker som lever med hiv halvert;
• Alle mennesker som lever med hiv og husholdninger berørt av hiv er adressert i alle nasjonale sosiale beskyttelse strategier og har tilgang til nødvendig omsorg og støtte;
• Land med straffende lover og praksis rundt HIV-smitte, sexarbeid, narkotikabruk eller homofili som blokkerer effektive tiltak halvert;
• HIV-relaterte restriksjoner på innreise, opphold og opphold eliminert i halvparten av landene som har slike begrensninger;
• HIV-spesifikke behov til kvinner og jenter blir tatt opp i minst halvparten av alle nasjonale HIV-reaksjoner;
• Nulltoleranse for kjønnsbasert vold.

Kilde: World Aids Day

Verdens aidsdag

Endeleg er dagen her, og her i Bergen blir det ei fin markering, berre så det er sagt. Vi startar om ein drøy time, då skal vi skrike for like rettar. Spennande å sjå kor mange som dukkar opp, og ikkje minst om folk tør å skrike midt på Torgalmenningen.

Og sjølvsagt er ein kledd for anledninga. Vi sjåast!

For programmet viser eg til denne lekre nettsida:
http://www.llh.no/bergen

oppsummering av verdas aidsdag

Dersom du vil sjå ei oppdatering frå Verdas aidsdag kan du gå hit:

http://vadbergen09.blogspot.com/

Verdens Aidsdag 2008

Så var det over. Fleire månaders jobbing kuliminerte i ein fantastisk ettermiddag/kveld i Bergen sentrum. Til og med veret var med oss. Det var rett nok litt kaldt, men det var ikkje vind og ikkje nedbør. Det starta litt roleg, vi var ganske åleine på Festplassen. Etter kvart kom det imidlertid ein del folk, til og med Kristina som hadde droppa drill for å få med seg dette! :) Det var flotte appellar, med gode bodskap.

Fakkeltoget gjekk via Torgalmenningen til Korskyrkja. Vi var sjølvsagt for tidleg ute, men vi fekk lov til å sitte på Kafe Magdalena i mellomtida. Det var godt å varme seg litt før Solidaritetsgudstenesta tok til.

Eg kan tenkje meg at det var ca 60 personar i kyrkja. May-Irene frå Kirkens Bymisjon fortalde først litt om kva som skulle skje. Så byrja Sigvart å synge. Først "Rom i huset". Fantastisk, eg fekk gåsehud. Som vanleg. Av alle songane. "Håpstango" som vi alle deretter song var veldig fin, og eg er glad det var tre vers. På den måten klarte eg å lære meg den før den var slutt.Skal ikkje gjengi heile gudstenesta her, men kan berre seie at det var ei fin oppleving. Ljostenninga gjorde inntrykk! Sigvart var strålande! Walter si forteljing om det å vere Hiv-positiv var sterk! Heile opplegget var berre heilt perfekt for kvelden!

Etter på fekk eg faktisk helse på Sigvart, og takke han for ei fin oppleving. For at han hadde stilt opp for oss. Og han takka faktisk meg. MEG! Akk!

Heilt tilslutt gjekk vi saman med Stian og Chris og åt økologiske pannekaker. Dagen var perfekt. Takk til ALLE som stilte opp og gjorde denne dagen så fin. No må det ikkje gå eit år til neste gong vi pratar om hiv/aids! Vi må få det opp i dagsljoset.

Vi må ta ansvar!

Dersom du vil sjå bilete frå kvelden kan du trykke her.

Ta ansvar - vis leiarskap!

Så er dagen her. 1. desember. For mange er det sikkert ein dag ein opnar fyrste luka i kalenderen, og byrjar nedtellinga til jul. Som dei fleste som har lese bloggen min eller vore inne på Facebook-sida mi i det siste veit, er det og ein annan ting som skjer på denne dagen. I dag markerar vi for 20. gong Verdas aidsdag. 

Vi markerer dagen for å kunne setje søkjeljos på hiv og Aids. Det er framleis mange mytar om aids. FAFO-rapporten "Fremdeles farlig å kysse" fortel at det framleis er mange mytar rundt Hiv og Aids. Det er mange vrangforestillingar både om korleis ein blir smitta og korleis det er  å leve med hiv og aids. Verdas aidsdag bør vere ein fin arena til å knuse nokre av mytane og fordommane som vi alle har.

Program for Verdas aidsdag i Bergen: 

16:00 Stand på Festplassen

18:10 Appeller
19:10 Fakkeltog
19:30 Solidaritetsmarkering i Korskirken med blant andre Sigvart Dagsland

Eg er veldig spent, og voner det kjem MANGE. Uansett kjem det nok til å kome ei oppsummering her med bilder. For dei som vil lese endå meir viser eg til denne bloggen.

1. desember - Verdas aidsdag

Eg føler at det er på tide å byrje å markadsføre den viktigaste hendinga i året, nemleg Verdas aidsdag (VAD).  I Bergen skal dagen markerast med stand på Festplassen (ikkje Torgalmenningen som før annonsert), appellar, fakkeltog og ikkje minst solidaritetsgudsteneste med Sigvart Dagsland. Arrangørar er LLH Bergen og Hordaland, Skeiv Ungdom Bergen og Hordaland, Kirkens bymisjon og Aktivt valg.

Tema for dagen i år som i fjor er "Ta ansvar - vis leiarskap!"  Eg har tenkt litt på kva som ligg i dette. For det fyrste skal ein ta ansvar for eigne handlingar, og opptre på ein slik måte at ein tek vare på seg sjølv og andre. Vi skal óg vise ansvar for hiv- og aidsramma og deira pårørande. Vise medkjensle. Bry oss om. Vere medmenneske. Rett og slett. 

Uansett; dette er ei viktig markering! Møt opp på Festplassen frå rundt 16. Fakkeltoget faklar i veg etter appellane som startar ca kl 18.00 før vi endar opp i Korskyrkja. Vil du bidra til dagen? Ta kontakt med meg så har vi garantert noko du kan hjelpe til med! 

Men fyrst og fremst er det viktig at alle spreier ordet slik at vi blir mange som viser at dette er noko som igjen må på den politiske agendaen!