2008 - minne frå eit år som snart er over

2008 nærmar seg slutten. Det har vore eit innhaldsrikt år. Eit spennande år. Eit fint år. Eg skal prøve å oppsummere det viktigaste som har skjedd.

1. Ny felles ekteskapslov blei vedteken.
2. Liv Signe var i Bergen, og fekk ein av buttonane eg laga.
3. Liv Signe blei valt til ny leiar av Senterpartiet.
4. Sigvart Dagsland hadde konsert i Johanneskyrkja.
5. Sigvart sang i Korskyrkja i forbindelse med Verdas aidsdag. Eg fekk helse på Sigvart. JA, eg fekk ta på han.

Kva meiner DU meiner burde vore med på lista mi?

Nerdane sin julekveld

Ja, Inger Marie, du har rett (som alltid). I går, 7. oktober var nerdane sin julekveld. Dersom du ikkje skjønar kvifor er du mest sannsynleg ikkje nerd, i alle fall ikkje ein slik nerd eg er. Så greit, i tilfelle det er nokon av mine lesarar som ikkje er det så får eg fortelje. I går var dagen for statsbudsjettet.

Slik reint personleg er eg vel egentleg veldig nøgd med budsjettet. Eg meiner at dei 92 mrd er føreslått brukt på rett måte. Om eg skal nemna tre område eg er spesielt nøgd med må det vere samferdsle, kultur og bistand. At kommunane får så mykje pengar er heller ingen uting. Høgre masar sjølvsagt om skattelette, og Jan Tore Sanner (H) var nesten litt ufin i går då han sa: "President, kan du få finansministeren til å følge med?"

Og uanset ka du seier Isabel; Liv Signe har gjort ein god jobb og fortener all skryt ho kan få for dette budsettet. Ikkje berre som samferdsleminister men og som partileiar for eit av dei tre regjeringspartia. Eg syns Senterpartiet har fått gjennom mange av våre kampsakar.

Hurra!